«Дәстүр мен ғұрып» жобасы аясында аудандық кітапханада қызметкерлері «Қазақтың зергерлік бұйымдары және қыздардың шашына арналған әшекейлер» тақырыбында танымдық шеберлік сағаты өткізді.
Шараға мектеп оқушылары қатысып, халқымыздың сәндік-қолданбалы өнеріндегі қыз-келіншектердің әшекей бұйымдары, соның ішінде шашқа тағылатын күміс шолпы, шекелік, т.б. зергерлік бұйымдар туралы мағлұмат алды.
Балалар ұлттық нақыштағы көрмемен танысып, қазақтың салт-дәстүріндегі эстетикалық ұғымдар мен әсемдікке деген көзқарасы туралы танымдарын кеңейтті.
Шара барысында шеберлік жұмыстары көрсетіліп, қатысушылар сұрақтар қойып, белсенділік танытты.